Т.Валовая: ЕАЭО және Таиланд диалогты дамыту үшін жақсы мүмкіндіктерге ие

29 Қараша, 2016 09:17

Еуразиялық экономикалық комиссияның (ЕЭК) министрі Татьяна Валовая Бангкокте (Таиланд) Таиландтың сыртқы істер вице-министрі Вирасакди Футракулмен және осы елдің сауда вице-министрі Виничаи Чаемчаенгпен келіссөздер жүргізді, оның барысында тараптардың ынтымақтастығының ауқымды тобы бойынша пікір алмасу өтті.

«Біз үшін Еуразиялық экономикалық одақ (ЕАЭО) және Таиланд диалогты дамыту үшін жақсы мүмкіндіктерге ие екені анық. Таиландық бизнес еуразиялық экономикалық интеграция ашатын барлық басымдықтарды пайдалануы тиіс», - деп мәлімдеді Т. Валовая.

Ол ЕАЭО іске қосылған сәттен бастап Оңтүстік Шығыс Азияның көптеген мемлекеттері еуразиялық бірлестікке жоғары қызығушылық білдіретінін атап өтті.

Таиландтың ЕАЭО-мен экономикалық байланыстарын дамыту мүмкіндіктеріне арналған семинарда ЕЭК министрі таиландтық және іскерлік топтар өкілдері алдында Одақты кешенді таныстырып өтті.

Семинар шеңберінде Комиссияның бейінді департаменттерінің: Техникалық реттеу және аккредиттеу департаменті, Санитариялық, фитосанитариялық және ветеринариялық шаралар департаменті және Кәсіпкерлік қызметті дамыту департаменті өкілдерінің баяндамалары да тыңдалды.

ЕЭК сарапшылары ЕАЭО-дан әріптестермен сыртқы экономикалық операциялар кезінде таиландтық бизнесте туындаған сұрақтарға жауап берді.