Қазақстан және Доминикан Республикасы инвестициялық ынтымақтастықты кеңейтуге дайын

26 Қараша, 2016 11:32

Қазақстан Республикасының Канададағы елшісі және Доминикан Республикасында елші қызметін қоса атқарушы Константин Жигалов Доминикан астанасы Санто-Домингода болып, сыртқы істер министрі Мигель Варгаспен және энергетика және минералды ресурстар министрі Антонио Иса Кондемен кездесті.

ҚР СІМ хабарлағандай, М. Варгаспен келіссөз аясында тараптар екіжақты ынтымақтастық және халықаралық күн тәртібі мәселелері бойынша пікір алмасты. Олар сауда-инвестициялық қарым-қатынастардың ағымдағы деңгейі екі елдің әлеуетті мүмкіндіктеріне жауап бермейді, туризм, энергетика, тау-кен саласында өзара тиімді қарым-қатынасты дамытудың жақсы перспективалары бар деген ортақ пікірге келді.

Министр Доминикан Республикасының Астанада «ЭКСПО-2017» халықаралық мамандандырылған көрмесіне қатысатынын растады және ағымдағы жылдың соңына дейін қатысудың техникалық шартына қол қоюға дайын екенін айтты.

Сондай-ақ тараптар Еуразиялық экономикалық одақ пен Орталық-американдық интеграция жүйесі арасындағы өзара тиімді байланыстарды реттеу мүмкіндігі туралы пікір алмасты.

Барлық жаңалықтар