Санкт-Петербург қаласында ПАА отырысында ТМД-да білім беру саласын дамыту мәселелері талқыланды (ФОТО)
25 Қараша, 2016 16:52
Қазақстан Парламенті Сенатының Спикері Қасым-Жомарт Тоқаев бастаған Делегация ТМД-ға қатысушы мемлекеттердің Парламентаралық Ассамблеясының қырық бесінші пленарлық отырысына қатысты.
Отырыс барысында ТМД елдерінде білім беру саласын дамыту мәселелеріне негізгі көңіл бөлінді.
Іс-шараға қатысушылар «Инклюзивті білім туралы», «Парламенттік тексеру туралы», «Сақтандыру медицинасы туралы», «Электрондық үкімет туралы», «Жол қозғалысының қауіпсіздігі туралы» және т.б. заң үлгілерін қабылдады.
Сондай-ақ Қазақстан Парламентінің Сенаты мен Ресей Федерациясының Кеңесі арасындағы парламенттік ынтымақтастық комитетінің кезекті отырысы өтті. Қазақстандық тараптан сондай-ақ Сергей Плотников, Серік Бектұрғанов, Серік Жақсыбеков, Жеңіс Нұрғалиев және Владимир Редкокашин қатысты.
