Жаңа технологиялық шешімдер елорда тұрғындарының қажеттіліктеріне бағытталады – Исекешев

25 Қараша, 2016 12:51

Жаңа технологиялық шешімдер елордалық азаматтардың қажеттіліктеріне бағытталады және көптеген мәселелерді шешеді, деді Астана әкімі Әсет Исекешев Астанада өткен Халықаралық инновациялық конгресс барысында.

«Астана тұрғындары 90-шы жылдардағы 280 мың адамнан 1 миллион адамға дейін өсті. Астананың ЖІӨ-сі 18 жыл ішінде 180 есе өсті, ШОБ субъектілерінің саны 100 адамға жетті. Шетелдік туристердің саны 90-шы жылдардағы 5 мыңнан 273 мыңға дейін өсті», - деді Астана әкімі Әсет Исекешев.

Ол көптеген мәселелердің жаңа технологиялық шешімдердің көмегімен шешілетінін мәлімдеді.

«Жұмыстың негізгі бағыттарының бірі – Smart-Астана. Кез келген жаһандық мегаполис Smart-технологияларсыз тиімді дами алмайды. Біз тиімді тұжырымдама әзірлеп, басым бағыттар мен жобаларды айқындадық», - деді астана әкімі.

Жыл соңына дейін 30 млн теңге үздік инновациялық компанияларға бөлінеді.

30 қарашада ҚР АКМ Астана әкімдігімен бірлесіп ұйымдастыратын Астана Smart-city халықаралық форумы өтеді.