ШҚО-да 80 орынға арналған оңалту орталығы ашылады
23 Қараша, 2016 19:12
Зыряновск ауданында ашылатын жаңа Оңалту орталығында мүмкіндігі шектеулі адамдарға медициналық және психологиялық көмек көрсетілетін болады, деп хабарлады ШҚО Ақпарат орталығы.
Мекеме 80 төсек орнына арналған. Онда тірек-қозғалыс жүйесінің функциялары бұзылған, жүйке жүйесі, буын аурулары бар адамдар емделе алады. Мекеме өз есігін ҚР Тәуелсіздік күні қарсаңында ашпақ.
Медициналық мекеме емдік-диагностикалық кешендермен, тренажерлердің түрлерімен, аспалы жүйемен, интервалды вакуумдық терапия аппаратымен, массажды ванналармен жарақтандырылған. Сондай-ақ психологиялық, емдік дене шынықтыру, физиоемдеу бөлмелері, хауыз және бассейн бар.
