• Басты
  • Мәжілісте шетелдіктерге жер сатуға мораторийді ұзарту мақұлданды
23 Қараша, 2016 13:58

Мәжілісте шетелдіктерге жер сатуға мораторийді ұзарту мақұлданды

Парламент Мәжілісінің депутаттары «Қазақстан Республикасы Жер кодексінің жекелеген нормаларының қолданысын және «Қазақстан Республикасының Жер кодексіне өзгерістер мен толықтырулар енгізу туралы» 2015 жылғы 2 қарашадағы Қазақстан Республикасы Заңының қолданысқа енгізілуін тоқтата тұру туралы» Қазақстан Республикасының 2016 жылғы 30 маусымдағы Заңына өзгерістер енгізу туралы» заң жобасын мақұлдады.
Мәжілісте шетелдіктерге жер сатуға мораторийді ұзарту мақұлданды

«Осы заң жобасы ҚР Президентінің 2016 жылғы 18 тамыздағы Жарлығын орындау үшін әзірленді. Бұл Жарлық қоғамның кейбір жер мәселелерін талқылауына байланысты қабылданған болатын, оған сәйкес мерзімді ұзартуға мораторий қабылданды. Жуырда мораторий мерзімі ағымдағы жылғы 31 желтоқсанға дейін белгіленген тиісті заң жобасы қабылданды. Жер комиссиясының жұмысы барысында арнайы қор құру туралы, қажетті өзгерістер енгізу туралы, сондай-ақ ауыл шаруашылығы жерлерінің тиісті кадастрлық құнын қалыптастыру бойынша шешім қабылданды. Біздің ұсынысымызды ҚР Президенті қолдап, осы заң жобасында қолданыстағы мораторийді 2021 жылғы 31 желтоқсанға дейін тағы 5 жылға ұзарту ұсынылады», - деп хабарлады ҚР Премьер-Министрінің орынбасары, ҚР ауыл шаруашылығы министрі Асқар Мырзахметов.

Заң жобасының негізгі мақсаты «Қазақстан Республикасы Жер кодексінің жекелеген нормаларының қолданысын және «Қазақстан Республикасының Жер кодексіне өзгерістер мен толықтырулар енгізу туралы» 2015 жылғы 2 қарашадағы Қазақстан Республикасы Заңының қолданысқа енгізілуін 2021 жылғы 31 желтоқсанға дейін тоқтата тұру болып табылады.

Атап өтейік, Мәжілістің барлық Комитеттері осы заң жобасы бойынша оң қорытынды берді, жұмыс тобының 2 отырысы және негізгі комитеттің кеңейтілген отырысы өткізілді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды