Киевте украиналық публицисттің Қазақстан туралы кітабының тұсаукесері өтті
23 Қараша, 2016 12:54
Қазақстан Республикасы Тұңғыш Президенті күні қарсаңында, сондай-ақ Қазақстан Тәуелсіздігінің 25 жылдығын тойлау аясында Киевте Украинаның Ұлттық ғылым академиясында «Орталық Азиялық барыс» кітабының тұсаукесері өтті.
ҚР СІМ хабарлағандай, кітапты Қазақстан Республикасының Украинадағы Елшілігінің қолдауымен украиналық публицист, Қазақстан-Украина қатынастары мемлекетаралық институтының директоры Николай Степаненко әзірлеген.
Автор өз еңбегінде егемен Қазақстанның қалыптасу кезеңдеріне, мемлекеттің даму стратегиясына баса назар аударған.
Кітапта қазақстандық-украиналық ынтымақтастық болашағына ерекше көңіл бөлінуде.
Қазақстанның Украинадағы елшісі Самат Ордабаев өз сөзінде Қазақстан Республикасының Президенті Нұрсұлтан Назарбаевтың егемен Қазақстанның қалыптасуындағы рөлін атап өтті.
Іс-шараға украиналық қоғамның белгілі өкілдері қатысты.
