Қазақстан мен Армения мәдениет саласындағы ынтымақтастықты кеңейтуге ниетті

Кездесу барысында Т. Оразаев Қазақстанның халықаралық бағдарламалары мен бастамалары туралы толық айтып берді, А. Амирянды тәуелсіздіктің 25 жылдығымен құттықтады, деп хабарлайды ҚР СІМ.  

«Тараптар әңгіме барысында екіжақты мәдени-гуманитарлық ынтымақтастықты талқылап, қарым-қатынастардың өзара түсіністік, сенім және тарихи әдет-ғұрыптар мен дәстүрлерді құрметтеу рухында дамып келе жатқанын атап өтті. Мәдениет және өнер, тарих, мұражай және кітапхана ісі саласындағы ынтымақтастық бойынша нақты қадамдар туралы пікір алмасу өтті», - делінген хабарламада.

Т. Оразаев екі елдің орталық кітапханалары ұйымдастырған Еревандағы қазақстандық кітаптар бұрышының ашылуы туралы айтып өтті. Сондай-ақ, тараптар өзара негізде «Мәдениет күндерін» ұйымдастыру мүмкіндігін талқылады.

Кездесу соңында Қазақстанның елшісі мен министр қазақстан-армян мәдени ынтымақтастығын нығайту үшін тұрақты жұмыс байланысын қолдау туралы келісті.