Қ.Сұлтанов: «Қазақстан-2050» Стратегиясында құқықтық мемлекет құрудың басым бағыттары көрсетілген

9 Желтоқсан, 2013 17:26

«Қазақстан-2050» Стратегиясында құқықтық мемлекет құрудың басым бағыттары көрсетілген, деп мәлімдеді БҰҰ Адам құқының жалпы декларациясы Ассамблесының құрылғанына 65 жылдығы мен Халықаралық адам құқығын қорғау күні аясындағы дөңгелек үстел барысында ҚР Президенті жанындағы адам құқы комиссиясының төрағасы Қуаныш Сұлтанов.

«Біз өзіміздің қоғамдық жұмысымызда құқықтық қоғамда өмір сүруді құруға ат салысуға күш жұмсаймыз. «Қазақстан-2050 Стратегиясында құқықтық қоғам мен мемлекет құрудың басым бағыттары көрсетілген, біз соған күш саламыз. Біз еліміздің құрылымдық дамуын қаматамасыз етеміз. Оны адам құқын сақтай отырып орындаймыз. Егер біз белгілі бір дәрежеде экономикалық белеске жетсек, мұның барлығы кісі құқын сақтаудан пайда болады», - деді Сұлтанов.

Комиссия басшысы айтқандай, Қазақстан тәуелсіздіктің алғашқы сәттерінен бастап адам құқын сақтау міндеттемесін алып, оны әрқашан бірінші кезекке шығарды. Сол кезден бастап 60-тан астам БҰҰ-ның халықаралық құжаттары ратификацияланды.

Сонымен қатар, Қ.Сұлтанов БҰҰ шешімі бойынша адам құқы жалпы декларациясын қабылдаған күні адам құқын сақтау күні болып бекітілгенін еске салды.

«Бұл әмбебап халықаралық құжат тарихта алғаш рет кісі құқын қорғаудың теңдессіз бастамасын көтерді. Және БҰҰ-ның осы бағыттардағы жасаған жұмыстарының ең көрнектісіне айналды. Көптеген елдердің Конституциясында, соның ішінде біздің де Конституциямызда адам құқы басты құндылық екені көрсетілген», - деді Қ.Сұлтанов.

Барлық жаңалықтар