Н.Ермекбаев Нұр-Мүбарак университетінің жұмысын оң бағалады
21 Қараша, 2016 09:17
Қазақстан Республикасы Дін істері және азаматтық қоғам министрі Нұрлан Ермекбаев Алматы қаласындағы «Нұр-Мүбарак» Египет ислам мәдениетінің университетінде болды.
Аталмыш жоғары оқу орны басшылығымен өткен келіссөздер барысында діни саладағы кәсіби отандық мамандарды даярлаудағы әрі қарай жалғасатын өзара іс-қимыл мәселелері сөз болды.
Министр Н.Ермекбаев ұстаздар мен оқытушылар құрамымен кездесуде «Нұр-Мүбарак» университетінің ағымдағы жұмысына оң баға бере отырып, оның қызметіне алдағы уақытта да қолдау көрсететінін атап өтті.
Сондай-ақ министр оқу корпустары мен студенттік жатақхана ғимаратын аралап шықты.
