Д.Назарбаева және Н.Шимомура БҰҰ Орнықты даму мақсаттарының таныстырылымына дайындықты талқылады
19 Қараша, 2016 13:29
Парламент Сенаты Халықаралық қатынастар, қорғаныс және қауіпсіздік комитетінің төрағасы Дариға Назарбаева БҰҰ Даму бағдарламасының Қазақстандағы Тұрақты өкілі – БҰҰ-ның Тұрақты үйлестірушісі Норимаса Шимомураны қабылдады.
Сенатор Қазақстан БҰҰ-ның мақсаттары мен міндеттерінен айнымайтынын атап өтті, сондай-ақ Антониу Гутерриштің БҰҰ Бас хатшысы лауазымына сайлануын құптайтынын жеткізді.
Жүздесушілер БҰҰ Орнықты даму мақсаттарының таныстырылымына дайындықты талқылады. Шара 22 қарашада Сенатта өтетін болады. Депутат ауқымды елдік бағдарламаны іске асыруға депутаттардың назарын аударуға мүмкіндік беретін осы шараның маңыздылығын атап өтті.
Д.Назарбаева «100 нақты қадам» Ұлт жоспарының негізгі мәселелері туралы Норимаса Шимомураны хабардар етіп, бұл бағдарламаның табысты іске асыру БҰҰ Орнықты даму мақсаттарына қол жеткізу үшін ұлттық ресурстарды жұмылдыруға ықпал ететініне сенім білдірді.
