700 ақмолалық жаңа цемент зауытында жұмысқа орналастырылады
18 Қараша, 2016 11:13
700-ге жуық ақмолалық жаңа цемент зауытында жұмысқа орналастырылады, деп хабарлады Ақмола облысының Ішкі саясат басқармасы.
Қазақстан Республикасының индустриялық-инновациялық даму жөніндегі мемлекеттік бағдарламасы аясында Еңбекшілдер ауданында жылына 2 млн тонна цементке арналған жаңа зауыт құрылысы аяқталу кезеңінде.
Хабарламада атап өтілгендей, осы кәсіпорынның ашылуы ауданның индустриялық-экономикалық дамуына ғана емес, сонымен қатар әлеуметтік дамуына да көмектеседі. Жаңа зауытта 700-ге дейін адам жұмысқа орналастырылады. Жоба құны 63 млрд теңгеден артық.
Одан басқа, аудан мемлекеттік бағдарламаларды іске асыруға белсенді қатысады. «Бизнестің жол картасы - 2020» бағдарламасы аясында Өңірлік үйлестіру кеңесі 11 жобаны мақұлдаған.
