Астанада инновациялық жобаларды коммерцияландыру бойынша семинар өтеді
9 Желтоқсан, 2013 15:01
Қазақстан Республикасының Білім және ғылым министрлігінің «Технологияны коммерциялау орталығы» ЖШС «Инновациялық жобаларды коммерцияландыруды қолдау» оқыту семинарын өткізеді, деп хабарлайды ведомствоның баспасөз қызметі.
«Семианардың мақсаты – кәсіпкерлік белсенділерді технологияны нарыққа жөнелтудің тәжірибелік аспектілерімен оқыта отырып қамшылау болып табылады», - делінген хабарламада.
Шара ғылыми ұжымдардың жетекшілеріне, коммерциялық технологиялар кеңсесінің қызметкерлеріне, ғылыми-зерттеу институты мен орталықтарына, ЖОО-на, инновациялық технопарк менеджерлеріне, бизнес-инкубаторларға және ұлттық компанияларға арналған.
Дәріс оқушы ретінде технологтияны коммерцияландыру, интеллектуалды меншік пен гранттық бағдарламаларды іске асыру саласының отандық және шетелдік сарапшылары қатысады.
