ЕАЭО елдерінің үкімет басшылары Кедендік кодекс жобасын мақұлдады

Рrimeminister.kz  хабарлағандай, Армения, Беларусь, Қазақстан, Қырғызстан және Ресей үкімет басшылары отырысының қорытындысы бойынша ЕАЭО-тың Кедендік кодекс жобасы мақұлданды. 

Жаңа құжат мақұлданып, ЕАЭО елдеріне мемлекетішілік келісім рәсімдерін жүргізуге бағытталды. 

Ол кедендік басқарудың барлық заманауи үрдістерінен тұрады және кедендік рәсімдерді автоматтандыруға, жеңілдетуге, сонымен қатар, бизнес ортаны жетілдіруге бағытталған. 

Кодекс жобасы биылғы жылдың желтоқсан айында өтетін Жоғарғы Еуразиялық экономикалық кеңесте мемлекеттердің басшыларына қол қоюға жіберілетін болады. 

Сонымен қатар, қатысушы елдер ЕАЭО аумағында дәрі-дәрмек айналымы саласын реттейтін құжаттарға қол қойды.