ҚР-да 1 қаңтардан бастап ауылдық жерлердегі CDMA EV-DO интернет қызметінің тарифтері төмендейді
9 Желтоқсан, 2013 14:50
ҚР-да 1 қаңтардан бастап ауылдық жерлердегі CDMA EV-DO интернет қызметінің тарифтері төмендейді, деп Көлік және коммуникация министрлігінің баспасөз қызметі хабарлады.
«Қазақстан Республикасы Көлік және коммуникация министрлігінің Байланыс және ақпараттандыру комитетінің бұйрығына сәйкес 2014 жылдағы қаңтардың 1-нен бастап ауылдық жерлердегі CDMA EV-DO сымсыз байланыс технологиясы бойынша интернетке қолжетімділік қызметі үшін айлық ақы 35 %-ға төмендейді, яғни қазіргі тарифтік жоспарға сәйкес ҚҚС қоса 2000 теңгеден 1300 және ҚҚС қоса 4000 теңгеден 2600 теңгеге дейін», - делінген хабарламада.
«Қазақтелеком» АҚ ауылдық жерлерде CDMA EV-DO технологиясы бойынша Интернет желісіне қосылу үшін төленетін ақы ҚҚС қоса 7056 теңгеден 4974 теңгеге дейін төмендетілгенін, сонымен қатар Интернет желісіне қолжетімділік жылдамдығын айлық ақының өзгертілуісіз 512-ден 1024 Кбит/с арттырғанын еске салған жөн.
