Республикалық бюджеттің кірістер бойынша жоспары 73% орындалды

Рекордты өсімнің негізі – ҚР бюджетіне салық түсімдерінің күрт артуы.

Бір жылда республикалық бюджетке салық түсімдерінің көлемі 921 млрд теңгеге, немесе  45%-ға артты. 53% өсім қосымша құнға салық бойынша алыммен қамтамасыз етілді, 26% өсімді корпоративтік табыс салығы бойынша алымдарды арттыру қалыптастырды.

Республикалық бюджетке трансферттер түсімі 3%-ға қысқарды – Ұлттық қордан трансферттер көлемінің азайғандығынан негізгі қысым жасалды (- 93 млрд теңге).

Республикалық бюджетке Ұлттық қор қаражаты ағымының қысқаруын нивелирлеу жергілікті бюджеттерден трансферттер көлемін арттыру арқылы аздап мүмкін болды. Бір жылда мұндай ағымдар сомасы 21 млрд теңгеге өсті.

Салық түсімдерінің ең көп көлемін ағымдағы жылы Алматы қаласы қамтамасыз етуді жалғастырды – 252,3 млрд теңге.

ҚР бюджеті үшін екінші маңызды өңір – Атырау облысы, онда өңір құраушы саланың (мұнай өндіру) құлдырауына қарамастан, 2016 жылғы қаңтар-қыркүйекте 149,6 млрд теңгеге салық төленді.

Атырау облысында ағымдағы жылы ірі салық төлеушілердің бестігі бюджетке салық түсімдерінің 38%-ын немесе 57 млрд теңгені қамтамасыз етті. Топ-5 компанияны Қазақстанның мұнай-газ секторында, тау-кен қазу өнеркәсібі, машина жасау және өнеркәсіптің басқа да салаларындағы техникалық және кадрлық мәселелердің шешімдерін ұсынатын «Болашақ-Атырау» бастап тұр. Ағымдағы жылы ол бюджетке 17 млрд теңге төледі.