Болгариялық компаниялар «ЭКСПО-2017» көрмесіне қатысуға мүдделі

12 Қараша, 2016 10:32

«ЭКСПО-2017» комиссары Рәпіл Жошыбаев Болгария Республикасына сапармен барды, деп хабарлады СІМ.

Комиссар Болгария мен Қазақстан Парламенті достық тобының төрағасы Даниела Дариткова-Проданова мен әртүрлі фракция депутаттары, Энергетика министрі Теменужка Петкова, Сыртқы істер вице-министрі Валиентин Порязов, туризм вице-министрі Ирена Георгиева, Болгар сауда-өндіріс палатасының төрағасы Цветан Сименовпен кездесті.

Р.Жошыбаев депутаттармен кездесуде болгарлық тарапқа Қазақстан бастамаларына қолдау көрсеткеніне алғыс айтып, болгарлық депутаттарды «ЭКСПО-2017» көрмесіне қатысуға шақырды. Д.Дариткова-Проданова елдер арасындағы белсенді парламентаралық қарым-қатынастың дамуын атап өтті.

Р.Жошыбаев Болгарияның энергетика министрімен кездесуң барысында Қазақстанның асыл энергетика саласындағы бастамалары мен «Болашақтың энергиясы» көрмесі туралы баяндадаы. Өз кезегінде энергетика министрі - Болгарияның Ұлттық үйлестірушісі Т.Петкова Болгария Еуропалық одақта «жасыл» энергетика бойынша көшбасшылардың бірі екенін атап өтті.

Т.Петкова болгарлық компаниялар қазақстандық көрмеге энергетика саласында дайындық жүргізіп жатқанын айтты.