Алматы әкімі өзбек спортшыларын 2017 жылы өтетін Универсиадаға қатысуға шақырды

«Бұл - Олимпиададан кейінгі ірі спорттық оқиға. Қазірдің өзінде ойынға қатысуға 57 ел өз өтінімдерін берді, бұл ойын тарихындағы ең жоғарғы көрсеткіш. Біз заманауи инфрақұрылым қалыптастырдық, Алматыны спорттың қысқы түрлерінің орталығына айналдыруды қалаймыз. Бүкіләлемдік студенттік ойындар - әлемнің барша жастарына қаламыздың туристік әлеуетін көрсетудің жақсы мүмкіндігі», - деп атап өтті Б.Байбек

Тараптар сауда-экономикалық және мәдени- гуманитарлық байланыстарды одан әрі күшейту мәселелерін талқылады. Мегаполис әкімі Алматыда 137 біріккен кәсіпорындардың жұмыс істейтіндігін, өткен жылы тауар айналымының 42%-ды құрағанын айтты.

«Алматы - еліміздің ірі мегаполисі, бизнес пен шикізатсыз экономикасы бар жеке капитал қаласы. Биыл қала нарығына 10 -нан астамтранс ұлттық компани ялар енді. Өзбек тарапымен азық- түлік саласындағы байланыстың әлеуеті жоғары. Бұл нарық миллиардқа жуық долларды құрап отыр», - деді Б.Байбек.

Өз кезегінде ҚР-дағы Өзбекстан Елшісі Қазақстан тәуелсіздігінің 25 жылдығы қарсаңында мемлекеттік бағдарлама бойынша салынған бір үйдің подъезіне өзбекстандық тұрмыстық техниканы қоюды ұсынды. Бұдан өзге Универсиада кезінде көлік қызметін көрсету үшін өзбектің бірнеше автобус- шатлдарының берілетіндігі де айтылды.

«Осылайша, алматылықтар бізде шығарылған өнімдер сапасын бағалай алады. Біз жылына теріден жасалған 18 млн. жұп аяқкиімдер шығарамыз, сонымен қатар бірлескен өндірісті қолға алып, Алматыда сауда үйін ашуды жоспарлап отырмыз», - деді И.Назаров.