«Құрық» портындағы паром кешенінің бірінші кезегі 2016 жылғы желтоқсанда пайдалануға беріледі

11 Қараша, 2016 17:21

«Құрық» портының бірінші іске қосу кешенінің өз жұмысын бастауы 2016 жылғы желтоқсанға жоспарланған. Бұл жөнінде ҚР Инвестициялар және даму министрлігінің баспасөз қызметінде хабарланды.

«Құрық» портында паром кешені құрылысының жобасы бойынша су көлігі саласында бұрғылау-жару жұмыстары 100%-ға орындалған, рельстік-шпалды торларды төсеу аяқталған - 12,26 шм, 195,6 мың текше метр тас немесе жобалық көлемнен 55 %-ы жеткізілген», - делінген хабарламада.

Әкімшілік және өндірістік мақсаттағы объектілер бойынша 547 данадан 465 тірек немесе 85%-ы орнатылған, сыртқы электрмен жабдықтау желісін құру үшін 140 шм-дан 73 шм сым тартылған.

Одан басқа, кедендік және шекаралық бақылау қызметтері бар порттың диспетчерлік бөлімі бойынша жұмыстар 80%-ға орындалған, су құбыры, кәріз және жылумен жабдықтау желілері бойынша жұмыстар 60%-ға орындалған. Алғашқы іске қосу кешенінің жұмысын бастау 2016 жылғы желтоқсанға жоспарланған.

Еске сала кетейік, «Құрық» портындағы паром кешені «Нұрлы жол» бағдарламасының объектісі болып табылады, ол Қазақстанның транзиттік-көлік әлеуетінің дамуына күшті серпін береді және Жаңа Жібек жолы жобасын іске асыруға ықпал етеді.

Индира Қауметова

Барлық жаңалықтар