ҚР-да соңғы 3 жыл ішінде мектепке дейінгі білім беру ұйымдарының саны екі есеге өсті – А. Сәрінжіпов

«Ел Президентiнiң мектепке дейiнгi оқыту саласында қойған мақсаты - балаларды балабақшамен толық қамту. Бүгiнде республикада мектепке дейiнгi ұйымға орналасуға 458 мың өтiнiш тiркелген», - деді А. Сәрінжіпов.

Бас ұстаз оның iшiнде 3-6 жас аралығындағы балалар саны  200 мың екендігін атап өтті.

«Сонымен қатар, министрлiк әкiмдiктер арасындағы меморандум шеңберiнде жекелеген аймақтарда қажеттiлiгiне қарай республикалық бюджет есебiнен балабақшалар салу мәселесiн көтеретiн боламыз», - дедi министр.

Сондай-ақ, 2014 жылы балалардың ерте жетілуінің хал-ахуалы құрастырылады.  Мектеп дейін білім беру ұйымдарына жаңа жүйе енгізіледі. Ол балалардың ерте кезден бастап біліктілікке үйренуін қамтамасыз етеді.

Министрдің айтуынша, 2020 жылға қарсы Қазақстанда 82 мың балабақшаның құрылысы жоспарлануда.