Қазақстандық өнертапқыштың өнертабысы стоматология саласындағы таңғаларлық оқиға болмақ
8 Қараша, 2016 20:39
Қазақстандық генетик бір рет қолданылатын шара нәтижесінде бастапқы тісжегіні тоқтатып, тіс эмалін табиғи жолмен қалпына келтіре алды. Бұл жөнінде жоба авторы Бауыржан Айтуов ОКҚ-да «Қазақстандық инноваторлар нарықтарды бағындыруда» тақырыбына өткен брифинг барысында хабарлады.
Өнімді әзірлеу және клиникалық сынақтан өткізу Ұлыбританияда жүргізілді. Қазақстандық клиникалар бірегей әзірлемені сынақтан өткізіп, Қазақстанның тіс дәрігерлері мен пациенттерінен оң пікір алуда.
«Тісжегіні емдеудің дәстүрлі әдістері кезінде тіс тазаланады немесе акрилді материалдармен бекітіледі, себебі эмальдің тісжегімен зақымдануы қалпына келтірілмейді. Әрі кетсе, тісжегіні уақытша тоқтатуға болады, бірақ емдеп шығаруға келмейді. Осы технологияның арқасында тіс дәрігерлері өз пациенттеріне эмальді табиғи жолмен қалпына келтіруді, басқаша айтқанда, жаңа эмаль «имплантаттауды» ұсына алады», - деді «Болашақ» бағдарламасы бойынша Йорк Университетінің түлегі.
«Біз пептидті Швейцарияда патенттедік», - деді Б. Айтуов.
