Дәнді-дақылдардың, ұн мен азықтардың құрамын бағалау 3 есе арзандайды
8 Қараша, 2016 20:23
Қазақстандық өнертапқыш әзірлеген Infraseed құралының арқасында дәнді-дақылдардың, ұн мен азықтардың құрамын бағалау үш есе арзандайды, деп хабарлады жоба авторы Максим Романико ОКҚ-да «Қазақстандық инноваторлар нарықтарды бағындыруда» тақырыбына өткен брифинг барысында.
«Бұл құрал инфрақызыл спектрді пайдаланады. Оның жаңашылдығы пайдаланылатын оптикалық схема мен бағдарламалық қамтамасыз етуде. Осының есебінен құрал құнын қолданыстағы ұқсас құралдарға қарағанда 3 есе төмендетуге мүмкіндік туындайды»», - деді ол.
Пайдаланылатын азықтың құрамын дәл анықтау мақсатымен әзірленген құрал мал шаруашылығы мен құс шаруашылығының өнімділігін арттыру бойынша жұмыс істейтін фермерлер үшін қажет.
«Ол дұрыс рационға едәуір байланысты болғандықтан, рационның мөлшері де дәл болуы тиіс», - деді М. Романико.
