Қазақстандық инноватордың өнертабысы отынды 2,5 есе үнемдеуге мүмкіндік береді
8 Қараша, 2016 19:54
Қазақстандық өнертапқыш әзірлеген инновациялық қазандықтардың арқасында жылу маусымында отынды 40%-60%-ға (көмірге байланысты) үнемдеуге болады. Бұл жөнінде жоба авторы Евгений Воронов ОКҚ-да «Қазақстандық инноваторлар нарықтарды бағындыруда» тақырыбына өткен брифинг барысында айтты.
«Әзірлеменің мәні басқарылатын гидродинамика және жылу элементтерінің жаңа орында орналасуы болып табылады. Бұл жоғары ПӘК-ке және бәсекелі пайдалану сипаттамаларына қол жеткізуге мүмкіндік береді», - деді Е. Воронов
Ол қазандықтардың ауданы 1000 ш метрден 10 000 ш метрге дейінгі өндірістік және өндірістік емес үй-жайларды жылытуға арналғанын атап өтті. Олардың артықшылығы – қызмет көрсетудегі қарапайымдылық, жоғары жөндеу жарамдылығы және көміртекті отын түрлерінде пайдалану мүмкіндігі.
Е. Вороновтың айтуы бойынша, бұл инновациялық әзірлеме «басқа ұқсас қазандықтарға қарағанда, отынды кемінде екі есе мөлшерде үнемдеуге мүмкіндік береді».
