Н.Назарбаев Гои бейбітшілік қорының басшыларымен кездесті
8 Қараша, 2016 17:53
Қазақстан Президенті Нұрсұлтан Назарбаев Гои бейбітшілік қорының төрағасы мен президенті- жұбайлар Хироо мен Масами Сайонджимен кездесті, деп хабарлады Ақорданың баспасөз қызметі.
Бейбітшілік қорының жетекшілерімен әңгімелесу барысында Нұрсұлтан Назарбаев Қазақстан жаһандық бейбітшілік пен қауіпсіздік, лаңкестікпен күрес, өңірлік мәселелерді реттеу мәселесіне өз үлесін қосып жатқандығын айтты.
Мемлекет басшысы айтып өткендей, Қор білім беру, ғылым мен мәдениет саласындағы жобаларды жүзеге асыра алады, Қазақстан бейбітшілік пен гуманизм ынтымақтастығын дамытуға дайын.
Гои бейбітшілік қоры 1999 жылы құрылды, Жапонияның ең ірі үкіметтік емес ұйымдарының бірі болып саналады.
