Қызылорда облысында 25 жыл ішінде 300-ден астам білім беру және денсаулық сақтау нысаны салынды
8 Қараша, 2016 17:31
Қазіргі қолданыстағы денсаулық сақтау және білім беру нысандарының 70 пайызы Тәуелсіздік жылдарында пайдалануға берілген. Бұл туралы Қызылорда облысы әкімінің орынбасары Руслан Рүстемов мәлімдеді.
«Соңғы 25 жылда аймақта «Назарбаев зияткерлік мектебі», «қазақ-түрік лицейі», дарынды балаларға арналған «Дарын» мектеп-интернаты, тәжірибесі білім беру жүйесінің барлығына таралатын инновациялық мектептердің дербес желісі құрылды», - деді ол.
Сонымен бірге, әлеуметтік саладағы мемлекеттік-жекеменшік әріптестік қарқынды дамудың жарқын үлгісі болды. Аймақтағы балабақшалардың 65 пайызы мемлекеттік-жекеменшік әріптестік аясында жұмыс істейді. 3 пен 6 жас аралығындағы балалар мектепке дейінгі білім берумен 100 пайыз қамтылып, «Балапан» бағдарламасы мерзімінен бұрын орындалды.
2014 жылы үш ауысымдағы білім беру жүйесі жойылып, апатты жағдайдағы мектептер мәселесі толықтай шешілді.
