Жамбыл облысында 9 айдың ішінде инвестиция көлемі 153 млрд теңгені құрады
8 Қараша, 2016 15:56
2016 жылғы қаңтар-қыркүйекте негізгі капиталға салынған инвестициялар бағалауды есепке алғанда 153510,1 млн. теңгені немесе өткен жылғы тиісті кезеңге 104,2%-ды құрады, деп хабарлады статистика департаменті.
Инвестицияның өскені Тараз қаласында (129,3%) және облыстың 7 ауданында: Мойынқұм (2,2 есе), Шу (158,6%), Меркі (128,2%), Талас (128,2%), Сарысу (116,3%), Қордай (107%) және Жамбыл ауданында (103,5%) тіркелді.
Тұрғын үйлерді пайдалануға беру 221 мың шаршы метрді немесе 2015 жылғы тиісті кезеңге 110,4%-ды құрады. Тұрғын үй құрылысы Тараз қаласында (125,2%) және облыстың 8 ауданында: Жамбылда (150,5%), Т.Рысқұлов ауданында (112,5%), Мойынқұмда (108,9%), Қордайда (107,5%), Меркіде (104,1%), Байзақта (102,7%), Жуалыда (102,4%), Сарысуда (101,2%) өте белсенді жүргізілуде. 2016 жылғы қаңтар-қыркүйекте тұрғын үй құрылысын қаржыландырудың негізгі көзі үй салушылардың өз қаражаттары болып, оның үлес салмағы 66,4%-ды құрады.
