Баянауыл ауданында жаңа балабақша мен тұрғын үйлер қолданысқа берілді
9 Желтоқсан, 2013 09:30
Павлодар облысы Баянауыл ауылында жаңа балабақша мен екі пәтерлі 5 баспана қолданысқа берілді, деп облыс әкімдігінің баспасөз қызметі хабарлады.
« «Жұмыспен қамтудың жол картасы-2020» бағдарламасын жүзеге асыру барысында Баянауыл ауданында екіпәтерлі 5 баспананың құрылысы аяқталды. Бағдарламаға қатысушылар және отбасылар 10 пәтерге қоныстандырылды. Жалпы баспананың алаңы 805 шаршы метр. Баспаналардың құрылысын «Қызылтау» ЖШС және «Ерболат+Д» жұмыспен қамтушылар жүзеге асырды», - делінген хабарламада.
Салтанатты түрде облыс әкімі Ерлан Арын пәтер кілттерін өзі табыстады.
«Бүгінгі таңда Баянауыл, Ертіс аудандарында 10 екіпәтерлі тұрғын үйдің құрылысы жүруде.
Павлодар қаласында 9 қабатты 143 пәтердің құрылысы жүруде, ал Екібастұзда жас отбасылар 52 пәтермен қамтылды», - деді аймақ басшысы.
