• Басты
  • «Нұрлы жол»: Алматы облысында 900 орындық мектеп ашылды
8 Қараша, 2016 14:32

«Нұрлы жол»: Алматы облысында 900 орындық мектеп ашылды

Алматы облысы Кербұлақ ауданының орталығы Сарыөзек кентінде 900 орынды жаңа мектеп пайдалануға берілді.
«Нұрлы жол»: Алматы облысында  900 орындық мектеп ашылды

«Нұрлы жол» бағдарламасымен салынған бұл жаңа білім мекемесінің іске қосылуы нәтижесінде бұған дейін Д.Қонаев  атындағы  және  № 49 орта мектептердегі үш ауысымда оқыту мәселесі шешімін тапты, деп хабарлайды Алматы облысы әкімінің баспасөз қызметі.

Мектептің ашылу салтанатына облыс әкімі Амандық Баталов арнайы барып, мектеп ұжымын, оқушылар мен ата-аналарды құттықтады.

«Ел Тәуелсіздігінің 25 жылдығы қарсаңында қуанышқа кенеліп, жаңа мектепке кіргелі отырсыздар. Қуаныштарыңыз құтты болсын! Бұл мектеп Елбасының тапсырмасымен үш ауысымды мектептердің мәселесін шешу мақсатында «Нұрлы» бағдарламасымен салынды. Келесі жылы үш ауысымда оқыту мәселесі толығымен шешімін табатын болады», - деді облыс әкімі А. Баталов өз сөзінде.

Аудан тұрғындары мен ата-аналар атынан Алматы облысының және Кербұлақ ауданының «Құрметті азаматы» Төленді Сарыбаев сөйлеп, жерлестеріне ізгі тілегін жеткізді.

Мұнан соң мектептің құрылысын жүргізген «Артемида  ЛТД» ЖШС директоры Салман Асланов жаңа мектептің директоры Камшат Қыстаубаеваға ғимараттың кілтін табыс етеді.

Жаңа білім ордасының табалдырығын аттаған талапты оқушыларға Өмірбеков Жақыпбек ақсақал бата беріп, балғындарға жарқын болашақ тіледі.  

Айта кетейік, мектептің жалпы көлемі - 9859,4 шаршы метр. Ғимараттың  құрылыс жұмыстарына, құрал-жабдықтарына барлығы – 1 476,1   млн. теңге, оның ішінде Ұлттық  қордан – 1 330,0 млн. теңге, жергілікті  бюджеттен –  146,1 млн. теңге бөлінген. Мектептің материалдық-техникалық базасын нығайтуға жергілікті бюджеттен қосымша тағы 34 млн. теңге қаражат қарастырылған.

Қазір мұнда 60 ұстаз қызмет етеді. Бүгінгі күні мектеп 750 оқушымен толықтырылып, 30 сынып жиынтығы бекітілген.

Мектепте әдеттегі оқу кабинеттерімен қатар жаңа модификациялық үлгідегі, атап айтқанда лингафонды-мультимедиялық, информатика, химия, физика, биология, алғашқы әскери дайындық, технология және шеберхана кабинеттері жабдықталған. Сонымен қатар 150 орынға арналған асхана және 2 спорт залы, ІІ қабатында 18 оқушыға арналған оқырман залы, 13 компьютермен жабдықталған кітапхана, 296 орындық мәжіліс залы орналасқан.

Мектеп ғимаратының сыртында 2752 шаршы метрді құрайтын жаңа үлгідегі жасанды газон төселген футбол және волейбол мен баскетбол ойындарына арналған алаң салынған.

Мектеп ауласына ел Тәуелсіздігінің 25 жылдығына орай 25 ақ терек отырғызылып, 17 шырша, 800 түп раушан гүлдерімен және де басқа ағаш түрлерімен абаттандырылды.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды