ШҚО-да тауарлардың штрих-кодын оқитын ұялы телефон бағдарламасын ойлап тапты

Математика, физика және информатика бойынша дарынды балаларға арналған мамандандырылған мектептің 7 сынып оқушысы Богдан Саакян тауарлардың штрих-кодын оқитын ұялы телефон бағдарламасын ойлап тапты, деп хабарлайды ШҚО ақпараттық орталығы.

Өз нің еңбегін мектеп оқушысы Шығыс Қазақстан облысында өткен «IT Шығыс-2013» көрмесінде таныстырды.

«Кез келген тауардың штрих-кодына телефонның фотоаппаратын әкелсеңіз, экранда қолдағы тауарыңыздың қолданысы және өндірушісі туралы мәлімет шығарылады», - дейді Б.Саакян.

Естеріңізге сала кетейік, «IT Шығыс-2013» көрмесінде өңірдің 30 ұйымынан 70 жұмысы таныстырылды.

Шара аясында келушілерге мына ақпараттар ұсынылды: «Microsoft» бұлтты технологиясының негізінде кешенді шешімдер, мәліметтерді сақтау, Smart City және бинес-инкубатор.