• Басты
  • Энергетика министрлігі: 2016 жылдың 9 айында Қазақстанда ЖЭК 80 пайызды құрады
5 Қараша, 2016 15:41

Энергетика министрлігі: 2016 жылдың 9 айында Қазақстанда ЖЭК 80 пайызды құрады

9 айдың қорытындысы бойынша Қазқастанда жаңғыртылған энергия көздері есебінен электр энериясын өндіру өсімі 177 пайызды құрады, ол өткен жылмен салыстырғанда 77 пайызға жоғары, деді энергетика министрі Қанат Бозымбаев.
Энергетика министрлігі: 2016 жылдың  9 айында Қазақстанда ЖЭК  80 пайызды құрады | Strategy2050.kz

«Қазіргі кезде Қазақстанның жалпы генерациясында жаңаратын энергия көздерінің үлесі 0,9 пайызды ғана құрап отыр. Осы ретте алғашында жарты пайыздан бастағанымызды еске салған жөн. Биылғы тоғыз айдың қорытындысы бойынша жаңаратын көздермен энергия өндірудің өсімі 177 пайызды құрады. Бүгінде Қазақстанда жалпы қуаты 258 мегаваттық жаңаратын энергия көздерінің 48 нысаны жұмыс істеуде», - деді ол.  

«2015 жылы жиынтық қуаты 120 мегаваттық 14 жоба іске асырылған еді. Биыл Алматы, Ақтөбе және басқада өңірлерде тоғыздан астам нысан іске қосылады. Бүгінде 57 энергия өндіретін ұйымдарымен және КЕГОК компаниясының есептік-қаржылық орталығымен келісімдер бекітіліп, осы нысандар қазіргі кезде түрлі даярлық кезеңінде тұр. Егер де бұл нысандар пайдалануға берілген жағдайда, 1 606 мегаватт қамтылады. Осы ретте біз 2020 жылға қарай қойылған мақсатты ерте орындаймыз»,-дедіҚ. Бозымбаев.

Министр жаңаратын энергия көздері елімізге қажет екенін, алайда қазіргі кезеңде оның құны қымбат екенін атап өтті. Бұл бағыттағы жұмыстар кезең-кезеңмен іске асырылатын болады.

«2020-2025 жылдардан кейін жаңаратын энергия көздері нысандарында электр энергиясын өндіру айтарлықтай арзандайды деп күтілуде. Сонымен қатар оның өзіндік құны дәстүрлі энергия көздерімен теңесуі ықтимал»,-деді министр.

 «Қазақстан Республикасының «жасыл экономикаға» көшуі бойынша қабылданған Тұжырымдамаға сәйкес мемлекет электр энергиясын өндірудің жалпы көлемінде күн және жел электр станциясының үлесін 2020 жылға қарай 3%-ға дейін және 2030 жылға қарай 10%-ға дейін жеткізу туралы мақсат қойды. Осы міндетті орындау мақсатында «KEGOC» АҚ «ЖЭК қолдау бойынша есептік-қаржы орталығы» ЖШС құрылды, ол күн және жел электр станциялары өндіретін электр энергиясының бәрін орталықтандырылған түрде сатып алады», - деді ол.

Индира Кауметова

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды