Павлодарда 132 отбасы жаңа пәтерлердің кілттеріне ие болды

«Бұл «Сарыарқа» шағын ауданының құрылысы жүзеге асыра басталғаннан бері ашылып жатқан үшінші үй. Бізде жаңа тұрғын үй кешенін құру үшін қажеттінің бәрі бар. Ендігі жерде тек қана ескі екі қабатты үйлерді демонтаждап, олардың орнында жаңа үйлерді салу қажет. Мен болашақта тұрғын үй құрылысының көлемі арта түседі деп ойлаймын», - деді өңір басшысы салтанатты іс-шара барысында.

Жаңа 12 қабатты тұрғын үйден пәтер алған адамдардың ішінде ескі үйде 30 жыл бойы тұрып келген Жангелді Ешімов те бар.

«Бүгін біздің бәріміз үшін аса қуанышты күн. Біз көптен бері армандаған жаңа үйге қоныстанып жатырмыз», - деді ол.

Әкімдіктің баспасөз қызметінің ақпараты бойынша, жаңа тұрғын үй «2020 жылға дейін өңірлерді дамыту» бағдарламасы бойынша тұтас құрылыс технологиясы бойынша тұрғызылды. Жобаның құны 1,3 миллиард теңгені құрайды. Үйде 99 екі бөлмелі және 33 үш бөлмелі 132 пәтер бар. Бірінші қабатта 15 үйірме жұмыс істейтін балаларға арналған техникалық мектеп орналасқан.