Қазақстан мен Молдова денсаулық сақтау саласында ынтымақтастық орнату жөнінде келісті
Минскі қаласында өткен Шығыс Еуропа және Орта Азия елдерінде сапалы және қымбат емес антиретровирустық және туберкулезге қарсы препартаттардың қолжетімділігін кеңейту жөніндегі Өңірлік жиын шеңберінде екіжақты кездесудің қорытындысы өтті.
Тараптар фармацевтикалық қызметте, кадрларды дайындау, бірлескен ғылыми жұмыстарды өткізу, бірлескен ғылыми әзірлемелерді жүргізу; денсаулық сақтау саласындағы ақпараттық және коммуникациялық жүйелерді әзірлеу және енгізу, денсаулық сақтау жүйесін реформалау, медициналық статистиканы ұсыну, ерекше қауіпті инфекциялардың таралу қаупі туындаған жағдайда медициналық көмек көрсету және өзара іс-қимыл жасау, дәрілік заттарды және медициналық техниканы стандарттау, тараптар мемлекеттері халқының денсаулығын сақтау және нығайту саласындағы ұлттық бағдарламалардың басым міндеттерін шешу жөнінде өзара ынтымақтастықты дамыту жөнінде келісті.
