Н.Назарбаев пен Ш.Мирзиеев Қазақстан мен Өзбекстан ынтымақтастығының даму перспективаларын талқылады
3 Қараша, 2016 21:37
Мемлекет басшысы Өзбекстан Республикасы Президентінің міндетін атқарушы Шавкат Мирзиеевпен телефон арқылы сөйлесті, деп хабарлады Ақорданың баспасөз қызметі.
Әңгіме барысында Нұрсұлтан Назарбаев Шавкат Мирзиеевті биылғы 4 желтоқсанда Өзбекстан Республикасының Президенті сайлануына кандидатурасының ұсынылуымен құттықтады.
Тараптар елдеріміздің сауда-экономикалық қарым-қатынас аясын кеңейтуге тың серпін берген үкіметаралық байланыстардың жандануына оң баға берді.
Әңгімелесу кезінде екіжақты ынтымақтастықты одан әрі дамыту перспективаларына баса назар аударылды.
