Астанада Қазақстан мен Иран арасындағы визалық режимді жеңілдету мүмкіндіктері талқыланды
2 Қараша, 2016 19:57
Астанада Қазақстан Республикасы сыртқы істер министрінің бірінші орынбасары Мұхтар Тілеуберді мен Иран Ислам Республикасы сыртқы істер министрінің орынбасары Хасан Қашқави қатысуымен казақ-ирандық консулдық консультациялардың жетінші кезеңі өтті, деп хабарлады СІМ баспасөз қызметі.
Келіссөздер барысында тараптар құқықтық саладағы екіжақты келісімдердің жобалары және консулдық-құқықтық мәселелер қарастырылып, екі мемлекет азаматтарына визалық режимді жеңілдету мүмкіндіктерін талқылады.
Келіссөздер нәтижесінде екі елдің іскерлік топтары арасындағы және туристік саладағы сапарлар алмасуды оңтайландыру көзделген шараларды қамтитын меморандумға қол қойылды.
