Мемлекеттік басқару академиясының жаңартылған бағдарламалары практикаға бағдарланады

«Біз бүгін алғашқы институционалдық реформа – Кәсіптік мемлекеттік аппаратты қалыптастыру мемлекеттік қызметшілерге кәсіптік білім беру жүйесін жаңартусыз, жетілдірусіз мүмкін емес екенін анық түсінеміз. Осыған байланысты, МБА қазіргі уақытта өз қызметін өзгертуді жүргізіп жатыр. Бағыттардың бірі – магистратура және докторантура бағдарламасының мазмұнын жаңарту. Біз қолданыстағы оқу бағдарламаларына айтарлықтай күрделі кешенді талдау жүргізгенімізді атап өту қажет. Осы жұмыс қорытындылары бойынша халықаралық тәжірибені зерттей отыра, біз 5 магистрлік бағдарлама және 4 докторлық бағдарлама әзірледік», - деп хабарлады Ф. Жақыпова.

Ол қазіргі уақытта оқу осы бағдарламалар бойынша жүргізіліп жатқанын атап өтті.

«Осы бағдарламалардың жаңалығы – олар практикаға бағдарланады, сәйкесінше, мемлекеттік қызметшілер оқитын пәндердің тізбесі, олардың мазмұны магистратураның, докторантураның академиялық бағдарламаларынан ерекшеленеді. Біздің бағдарламаларымыздың практикаға бағдарлануы кейстік тәсілмен қамтамасыз етіледі», - деп қосты Ф. Жақыпова.

Ботагөз Айтжанова