Шығыс Қазақстанда 25 жыл ішінде 5 млн шаршы метр тұрғын үй пайдалануға берілді
3 Қараша, 2016 09:57
Тәуелсіздіктің 25 жылында 5 млн 746 мың шаршы метр тұрғын үй пайдалануға берілді, Шығыс Қазақстанда 65 отбасы баспана мәселесін жақсартты.
«Тұрғын үй құрылысы Қазақстанның 2030 жылға дейінгі Стратегиясының басты бағытының бірі болып табылады. Статистика департаментінің мәліметінше, 1991 жылдан бастап 2015 жыл аралығында Шығыс Қазақстанда барлық қаржыландыру көздерінің есебінен 5 млн 746 мың шаршы метр тұрғын үй пайдалануға берілді. Өздерінің баспана мәселесін 65 отбасы жақсартты», - деп хабарлады ШҚО ақпараттық орталығы.
Облыста қолайлы тенденциялардың қалыптасуына мемлекеттік бағдарламалар мен әлеуметтік-экономикалық көрсеткіштер әсер етті.
Бүгінгі таңда «Өңірлерді дамыту-2020», «Нұрлы жол», «Жұмыспен қамтудың жол картасы-2020» бағдарламалары аясында құрылыс жұмыстары жүргізілуде.
