Павлодар облысында ҚР Тәуелсіздігі Күніне орай бірқатар әлеуметтік нысандар ашылады
6 Желтоқсан, 2013 18:35
Тәуелсіздік Күніне орай Павлодар облысында бірқатар әлеуметтік нысандар ашылады, деп хабарлайды облыс әкімдігінің баспасөз қызметі.
«Әкімдіктегі жиында ҚР Тәуелсіздігінің 22 жылдығы қарсаңында ашылатын нысандар тізімі шығарылды. Атап айтар болсақ олар – тұрғын үй, Баянауыл ауданындағы балабақша, Ленинский ауылындағы Мәдениет Үйі, жетім балалар жатақханасы, Щербатский ауданындағы амбулатория және басқалар», - делінген хабарламада.
Сонымен қатар, мерекеге орай 200 шара ұйымдастырыу жоспарланып отыр.
Оның ең көрнектісі ретінде қазірден бастап салтанатты жиын мен мерекелік концерт аталуда.
Бұдан бөлек Тәуелсіздік күнінде патриоттық әндер шырқалып, Қазақстан халқы Ассамблеясының этномәдени бірлестігінің ұйымдастыруымен жастар өнер көрсетіп, «Жас Ұлан» оқушылар ұйымының мүшелері де қатысады.
