72 медициналық қызметкер «Тәуелсіз Қазақстан» Пойызы» әлеуметтік акциясына қатысып жатыр

«Тәуелсіздікті алу – әрбір халықтың, әрбір этностың арманы. Қазақстан Тәуелсіздігінің  25 жылдығында бірқатар істер атқарылды. Біздің пойыздың мақсаты – әлеуметтік бейімділік.  Пойыз құрамында  270 адам бар, оның  72-і медициналық қызметкер. Біз әлеуметтік проблеманы шешкіміз келеді. Бұл салада онкология, невропотология,  балалар  дәрігерлері бар. Бұл мамандар ауылдық елді мекендерде  тапшы. 43 күн ішінде  біз 35 станцияға тоқтаймыз. Біздің алдымыздағы мақсат барынша көп халықты қамту», - деді Ә.Әлпейісов.

Пойыз  құрамында ҚР Парламент депутаттары, ҚХА мүшелері,  мәдениет және спорт өкілдері, медицина қызметкерлері,  әлеуметтік сала қызметкерлері бар.  Медқызметкерлер  пациенттерді қабылдап,  консультациялық қызмет көрсетеді.

«Тәуелсіз Қазақстан» Пойызы» республикалық акциясы  - Тәуелсіздіктің  25 жылдығына арналған ауқымды іс-шаралардың бірі.

Акция аясында  ҚХА қоғамдық келісім кеңестерінің қабылдауларында, «Нұр Отан» партиясында Парламент Мәжілісі мен мәслихат депутаттарының  қатысуымен  консультациялар өткізілетін болады.

ҚХА қайырымдылық акциялары: «Қазақстан халқы Ассамблеясының дарыны –  ауылдық, аудандық  елді мекендердің  кітапханаларына кітаптар топтамасын беру қарастырылған.

«Қайырымдылық керуені» - балабақшалар мен жасөспірімдер  үйіне бару.  Үздік шығармашылық  ұжымдар мен ел өңірлерінің талантты жастарының қатысуымен концерттер өткізу қарастырылған.

Ботагөз Айтжанова