• Басты
  • Астана мектептерінің Кадеттік сыныптары салтанатты түрде ант қабылдады (ФОТО)
1 Қараша, 2016 20:43

Астана мектептерінің Кадеттік сыныптары салтанатты түрде ант қабылдады (ФОТО)

Қазақстан Республикасы Қарулы Күштерінің Ұлттық әскери-патриоттық орталығында Астана қаласының 13-ші және 57-ші орта мектептерінің кадеттік сыныптары салтанатты түрде ант қабылдады, деп хабарлады Қорғаныс министрлігі.
Астана мектептерінің Кадеттік сыныптары салтанатты түрде ант қабылдады (ФОТО)

Кадеттік сынып – бұл «Жан досым» Балалардың бойындағы интеллектуалдық мінез-құлықты және денені дамыту академиясы» аясында «Асыл бала» әскери-патриоттық орталығы және республикалық ассоциациясымен» бірлесіп бастау алған жоба.

«Кадет сыныбы» жобасының мақсаты «Мәңгілік ел» патриоттық актін жүзеге асыру және жаңа қазақстандық патриотизм идеясы негізінде барлық қазақстандықтарды біріктіретін және біздің еліміздің болашақ іргетасын қалайтын жастарды әскери-патриоттық тұрғыда әскери қызметке тәрбиелеу, жалпыхалықтық құндылықтарды қастерлеу болып табылады.

Іс-шара бағдарламасында Қорғаныс министрлігіне қарасты құрметті қарауыл ротасының қойылымдары, үрмелі оркестрдің өнері көрсетілді. Салтанатты рәсім Қазақстан Республикасының Мемлекеттік туын «Жас ұлан» республикалық мектебінің ту ұстаушы тобының алып шығу және Қазақстан Республикасының Мемлекеттік әнұранының орындалуымен басталды. Содан кейін кадеттіктер салтанатты түрде ант қабылдады.

Бұл іс-шараға Ұлы Отан соғысының, Қарулы Күштердің ардагерлері, ҚР бала құқығы бойынша өкілетті адамдар, Қазақстанның Олимпиада чемпиондары  қатысты.

 

Барлық жаңалықтар