Ж.Қасымбек: Қазақстан инфрақұрылым сапасы рейтингінде 19 сатыға көтерілді

«Жыл сайынғы бәсекелестікке баға беру  Дүниежүзілік экономикалық форумның бәсекеге қабілеттіліктің жаһандық индексі бойынша  есептеледі. Рейтинг көліктік инфрақұрылымды  4 көрсеткіш бойынша бағалайды,  «Әуе көлігінің инфрақұрылым сапасы», «Автожолдардың сапасы», «Темір жол инфрақұрылымының сапасы», «Порт инфрақұрылымының сапасы».Соңғы бес жылда «Инфрақұрылым сапасы»  көрсеткіші  19 сатыға жақсарды», - деді  министр.

Ол айтып өткендей, Дүниежүзілік банк  логистика тиімділігінің  индексі қалыптасуда, ол алты индикатор негізінде бағаланып, физикалық емес кедергілердің деңгейін бағалауға мүмкіндік береді.

«Индекс екі жылда бір рет қалыптасады,  2014 жылғы  қорытынды бойынша Қазақстан 11 сатыға жоғарылап,  88-ші орыннан  77-ге көтерілді», - деді Ж.Қасымбек.