Қазақстан Қарулы Күштерінің әскери оташылары медицинаның инновациялық технологияларын игеруде

«Еліміздің жетекші оташылары көк ет жарақаттарының әр түрін лапараскопиялық түзету және іш құрылысына герниопластика жасау жөнінде мастер-класс өткізді», - делінген хабарламада.

«Біз осындай күрделі операцияларды біздің әскери госпиталь да жасап келе жатқанын мақтан етеміз. Бүгінгі таңда әскери хирургия өте жоғары деңгейде, жоғары мамандандырылған операциялар жасалуда. Әскери медицина мұндай ауру түрлерін емдеуде әлемдік стандарттардан қалыспайды», - деп ҚР Қорғаныс министрлігі Бас әскери клиникалық госпиталі медициналық бөлімінің бастығымедицина қызметінің полковнигі Гүлпарида Байділдаева атап өтті.

Бүгінгі таңда лапароскопиялық герниопластика – ішкі ағзалар мен көк еттің жарақатын емдеуге арналған заманауи және тиімділігі жоғары хирургиялық әдіс болып табылады және операциядан кейінгі ауыру синдромын жеңілдетіп, сауығу мерзімін айтарлықтай қысқартады. Әскери дәрігерлер науқастарға жоғары мамандандырылған көмек көрсету үшін герниопластиканың торлы импланттар пайдаланылатын миниинвазивтік әдістерін игеруде.

Лапароскопиялық герниология сияқты жоғары технологиялы хирургия сегментінің дамуы ҚР Қорғаныс министрлігі Бас әскери клиникалық госпиталі жұмысының перспективалық бағыттарының бірі.  Ол әскери оташыларға жаңа операция жасау әдістеріне машықтану мүмкіндігін кеңейте түспек.