СҚО-да 2016 жылға дейін 5 жаңа білім беру мекемесі салынады – С.Ескендіров

«Қазіргі таңда көптеген жалпы білім беру мектептері заманауи қондырғылармен жарақтандырылған. «Интерактивті мектеп» бағдарламасына қосылған. Осының арқасында онлайн режимде өтетін видео-сабақтар мен конференцияға қатыса алады. Шағын мектептерде сапалы білім берудің аталмыш жүйесіне қосылуға бірдей мүмкіндік жасалған. Ал олардың үлес салмағы өңірімізде 87 пайыз. Оларды 7 тірек мектебі қамтамасыз етіп отыр. 2014 жылы жоспар бойынша, тағы 7 ресурстық орталық құрылмақ. Сонымен қатар 2016 жылға дейін тағы 5 білім беру мекемесін саламыз. Соның ішінде 4-еуі мектеп болса, 1-еуі балабақша», - деді әкім.

Өңір басшысының айтуынша, соңғы 3 жылда облыста 4 мектеп салынды. Соның 1-еуі республикалық бюджет есебінен салынса, 3-еуі жергілікті бюджет есебіне салынған. Қазір Петропавл қаласындағы Тұңғыш Президенттің интеллектуалды мектебі мен Мәмлүт ауданындағы орта мектептің құрылысы жүріп жатыр.

«Облыс ҰБТ бойынша республика бойынша тұрақты түрле 3-4 орындарлы алып келеді. Өткен жылы 29 оқушы «алтын белгімен» марапатталды. 30 пайызға жуық талапкер мемлекеттік грант бойынша ақысыз білім алу мүмкіндігіне қол жеткізді», - деп түйіндеді облыс әкімі.