Қазақстан және Мысыр – маңызды әріптестер – ҚР СІМ
Мысырдың сыртқы саяси ведомствосының басшысы Қазақстанның Елшісі Б. Арынды Мысырда атқарған жемісті қызметі және екіжақты қарым-қатынастарды нығайтуға қосқан үлесі үшін алғысын айтты. С. Шукри 2016 жылғы ақпан айында өткен Мысыр Президенті - Фаттах Халил Ас-Сисидің Астанаға ресми сапарының және Мысыр-Қазақстан қатынастарының дамуына зор серпін берген екі ел басшылары арасындағы келіссөздердің нәтижесін атап өтті. Осы ретте, ол Қазақстанның Президенті Нұрсұлтан Назарбаевтың Каирге жауап сапарының жуық арада жүзеге асырылатынына сенім білдірді.
«Астана әрдайым Каирдің Еуразия континентіндегі маңызды әріптесі болған және болып қалады, ал Қазақстан бүгінде Президенттің әлемдегі қауіпсіздік пен тұрақтылықты нығайтуға бағытталған табысты халықаралық бастамаларының арқасында әлемдік деңгейде өзін мойындата білді», - деп атап өтті ол.
Қазақстандық дипломат мысырлық министрге Қазақстан Елшілігінің екі ел арасындағы ықпалдастықты дамытудағы күш-жігеріне тұрақты көрсеткен қолдауы мен көмегі үшін ризашылығын білдіріп, тараптар арасында әрқашан ізгі ниеттермен өзара тиімді мүдделер негізінде сындарлы жүргізіліп келген жұмыс қарқынының одан әрі жалғаса беретіндігіне сендірді.
Қазақстан-мысыр достастығы ассоциациясының мүшелері Б.Арынның дипломатиялық миссиясының аяқталуына орай Каир қаласында қоштасу кешін ұйымдастырды. Оған белгілі саяси және қоғам қайраткерлері, бизнесмендер мен Мысырдың жетекші бұқаралық ақпарат құралдарының өкілдері шақырылды.
Ассоциацияның Бас хатшысы Фатхи Туган және Қазақстан-Мысыр Іскерлік кеңесінің тең төрағасы А. Килани өз сөздерінде Б. Арынның Каирдегі қызметінің терең саяси дағдарыстар мен революциядан кейін елді қайтадан қалпына келтірумен байланысты Мысыр үшін қиын да шешуші кезеңге тап келгендігіне қарамастан, екі елдің бұрынғы жылдары қалыптасқан екіжақты ынтымақтастығының әлеуетін сақтап қана қоймай, оны одан әрі ілгерілете түскенін және оның ұзақ мерзімдік дамуының негізін қалай білгендігін айта отырып, бұл іске қазақстандық Елшінің айтарлықтай еңбек сіңіргендігін атап өтті.
