Қазақстан 25 жыл ішінде этникаралық қарым-қатынас саласында 180-нен астам құжатты ратификациялады - Мемхатшы

28 Қазан, 2016 12:27

Қазақстан Тәуелсіздік жылдары этникаралық қарым-қатынас саласында 180-нен астам құжатты ратификациялады , деді Мемлекеттік хатшы Гүлшара Әбдіхалықова «Н.Назарбаевтың моделі: келісім мен бейбітшіліктің 25 жылы» ғалымдар мен сарапшылардың халықаралық форумында.

«1995 жылдың 1 наурызында Ұлт көшбасшысының бастамасымен құрылған ҚХА институты қазақстандық келісім мен бейбітшілікте негізгі рөлге ие. ҚХА-ның тиімді жұмысының нәтижесінде қоғамдық келісім мен жалпыұлттық бірліктің қазақстандық моделі қалыптасты», - деді Мемхатшы.

Ол айтып өткендей, ҚР Конституциясында барлық азаматтардың құқығын теңестіретін 11 норма бар.

«Біздің ел Тәуелсіздік жылдары этникаралық қарым-қатынас саласында 180-нен астам құжатты ратификациялады. ҚХА төрағасы Президент – ҚР Конституциясының кепілгері. Парламентте этностардың кепілдендірілген төрағалығын ҚХА атынан 9 Мәжіліс депутаты атқарады. Мемлекет этностардың мәдениетін, тілін, дәстүрін дамытуға қолдау көрсетеді. Бірлік пен даму негізі ретінде «Мәңгілік ел» жалпыұлттық патриоттық идеясы құрылды. Қазіргі заман кезеңінде Ассамблеяның инфрақұрылымы дамып жатыр», - деді Г.Әбдіқалова.

Мемхатшының айтуынша, ҚХА – көпдеңгейлі кадрлық корпус пен әлеуметтік лифт, ол арқылы білікті мамандар қоғам өмірінің кез келген саласында жұмыс істей алады.

Ботагөз Айтжанова

Барлық жаңалықтар