• Басты
  • ШҚО-да пациенттердің дәрігерлермен өзара іс-қимылының инновациялық сайты іске қосылды
28 Қазан, 2016 14:51

ШҚО-да пациенттердің дәрігерлермен өзара іс-қимылының инновациялық сайты іске қосылды

Шығыс Қазақстанның кез келген клиникасының пациенті өзі таңдаған дәрігерден консультация мен емді қашықтықтан ала алады, бұл жөнінде жаңа инновациялық жоба – Өскемендегі PHR.kz интернет-порталымен таныстыру барысында айтылды.
ШҚО-да пациенттердің дәрігерлермен өзара іс-қимылының инновациялық сайты іске қосылды

Шығыс Қазақстан облысында медициналық көмек көрсетуді жетілдіру үшін әлемдегі денсаулық сақтау саласының соңғы жаңалықтарының бірі болып табылатын phr.kz инновациялық сервисі іске қосылды. Әсіресе бұл сайт шалғайдағы аудандардың тұрғындары үшін процесті оңайлатады.   

Портал емдеу процесін басқара алатын пациенттің денсаулығы туралы деректер жиналатын дербес электрондық медициналық карта болып табылады. Барлық деректер құпия болады. Пациенттің рұқсатынсыз оның медициналық деректері дәрігерге де жабық болады.

«PHR мақсаты – толық және дәл жеке медициналық тарихнаманы ұсыну, оны онлайн таратуға болады. Денсаулық туралы деректер пациент енгізген немесе медициналық жүйелерден алынған үзінді көшірмелерді, зертханалық нәтижелерді, қашықтықтан мониторингілеу құрылғыларының өлшеу деректерін қамтуы мүмкін», - деп атап өтті «Human Development Group» АҚ даму жөніндегі директоры, медициналық ақпараттық технологиялар саласындағы сарапшы Руслан Безруков.

Рhr.kz сервисі қабылдауға қашықтықтан жазылуға мүмкіндік береді, мамандандырылған call-орталықтардың жұмысына арналған құрал болып табылады, қашықтықтағы медициналық көмекті ұйымдастыру үшін бірегей функционал және шешімдер ұсынады.

ШҚО-да жобаны енгізудің бірінші объектісі Шығыс Қазақстан облыстық ауруханасы (ШҚО) болды. Қазіргі уақытта контентті дәрігерлер, олардың жұмысы, прейскурант туралы ақпаратпен толтыру жүріп жатыр.

ШҚО-ның ақпараттық орталығында хабарлағандай, бұдан әрі өңірдің басқа да медициналық мекемелерін қосу жоспарланып отыр. 

«Денсаулық – бұл денсаулық сақтау жүйесінің және адамның өзінің ортақ қызметі. Сондықтан бүгін біз пациентті диагностика және емдеу процесіне тартуымыз қажет. Мұндай тәсіл қан айналым жүйесінің аурулары бар пациенттер үшін ерекше маңызды», - деп атап өтті Шығыс Қазақстан облыстық ауруханасы бас дәрігерінің орынбасары Борис Галич.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды