KAZ Minerals 9 айда 97,1 мың тонна мыс өндірді
28 Қазан, 2016 18:49
2016 жылдың 9 айында KAZ Minerals Тобы өткен жылдың осындай кезеңімен салыстырғанда өндіріс көлемін 66%-ға арттырып, катод эквивалентіндегі 97,1 мың тонна мыс өндірген, деп хабарлады компанияның баспасөз қызметі.
Үшінші тоқсанда 44,5 мың тонна катодты эквиваленттегі мыс өндірілді. Бұл екінші тоқсанмен салыстырғанда 43%-ға арттық.
Компания Бозшакөл (Павлодар облысы) және Ақтоғай (ШҚО) сияқты жақында іске қосылған ірі жобаларда өндіріс көлемін арттыруды жалғастырып келеді.
Бұл 2016 жылдың соңына қарай компания жоспарлаған 130-155 мың тонна аралығындағы катод эквивалентіндегі мыс көлеміне (2015 жылы Топ 81,1 мың тонна өндірген) қол жеткізуге мүмкіндік береді.
