• Басты
  • ҚР Бас прокуратурасында «Шетелден ұрланған активтерді қайтару» жобасы таныстырылды
27 Қазан, 2016 13:08

ҚР Бас прокуратурасында «Шетелден ұрланған активтерді қайтару» жобасы таныстырылды

Қаржылық тергеп-тексеру және ұрланған активтерді шетелден қайтару мәселелері бойынша өткен дөңгелек үстелде ҚР Бас прокуроры Жақып Асанов «Шетелден ұрланған активтерді қайтару» жобасының негізгі бағыттары туралы айтты.
ҚР Бас прокуратурасында «Шетелден ұрланған активтерді қайтару» жобасы таныстырылды

«Проблемаларды шешудің алғашқы қадамы ретінде біз «Шетелден ұрланған активтерді қайтару» жобасын іске қостық. Оның мақсаты – активтерді қайтару бойынша тиімді жұмыс жүргізу. Іс жүзінде – осы үш элемент: тергеушілер мен прокурорларды оқыту, ең үздік әлемдік стандарттарға сәйкес келетін әдістеме әзірлеу және оған нормативтік-құқықтық мәртебе беру», - деді Бас прокурор.

Ол қазан айының басында Бас прокуратураның, Ұлттық бюроның, Мемлекеттік кірістер комитетінің және ІІМ 24 қызметкерінен тұратын бірінші топтың оқытылғанын атап өтті. Осы 24 қызметкердің ішінен 10-ы ұлттық жаттықтырушылар болады. Олардың миссиясы – Бас прокуратураның жанындағы Құқық қорғау органдары академиясының базасында тергеушілер мен прокурорлар арасында жаңа әдістемелерді тарату.

Ж. Асановтың айтуы бойынша, жұмыс қорытындысы жаңа әдістеме болмақ. «Тергеушілерге активтерге тыйым салып, оларды елге қайтару үшін қылмыстық істер бойынша қалай әрекет ету керектігінің алгоритмдерін ұсыну қажет. Оларға іс жүргізу құжаттарының, үздік стандарттар бойынша сұратулардың үлгілерін берейік. Қаржылық барлау мен тергеу арасында тікелей ақпарат алмасуды ретке келтірейік», - деп атап өтті ол.

Бас прокурор жоба бойынша барлық құжаттарды әзірлеу осы жылдың соңына дейін аяқталады деп қосты.

Еске сала кетейік, 24 қазаннан бастап Бас прокуратурада шетелден ұрланған активтерді қайтару бойынша семинардың екінші кезеңі өтіп жатыр, оның аясында прокурорлар, судьялар және қазынашылық органдар қызметкерлері арасынан 10 ұлттық жаттықтырушы оқып жатыр. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды