2013 жылдың соңына дейін өңірлік жедел жәрдем қызмет бөлімдеріне 258 автокөлік беріледі

«Денсаулық сақтау министрлігі тарапынан медицинаның жедел жәрдем қызметін заманауи қондырғылармен жарақтандырылған транспорт көліктерімен қамтамасыз ету жұмыстары жүргізілуде. Сонымен жыл соңына дейін өңірлерге заманауи қондырғылармен және жүйелермен жарақтандырылған 258 санитарлық автотранспорт беріледі», - делінген хабарламада.

Хабарламада айтылғандай, жедел жәрдем қызмет көрсету талаптары, білім беру бағдарламалары, негізсіз шақыртулардың санын азайту механизмі, ақпараттық технологияның жаңғыртылуы мен басқару жүйесін автоматтандырылатын болады.

Естеріңізге сала кетейік, «Саламатты Қазақстан» мемлекеттік бағдарламасы аясында соңғы 3 жылда 336 дана медициналық автртранспорт алынды. Сонымен қатар, санитарлық авиация қызметіне 16 тікұшақ алынды.

Бұдан бөлек мемлекеттік бағдаралама аясында 49 жылжымалы медициналық кешен іске қосылған.