Қ. Келімбетов: Қазақстан үшін ЖЭК пайдалану – жаңа деңгей

27 Қазан, 2016 12:31

Біз минералды ресурстарға тәуелді ел болғандықтан, Қазақстан үшін жаңартылатын энергия көздерін пайдалану – мүлде жаңа ережелер, деді «Астана» халықаралық қаржы орталығының басшысы Қайрат Келімбетов стартапфесттегі құттықтау сөзінде.

«Біз «Астана ЭКСПО-2017» ҰК» АҚ төрағасымен баламалы энергия көздеріне арналатын халықаралық көрменің болашақ дамуын талқыладық. Біз минералды ресурстарға тәуелді ел болғандықтан, Қазақстан үшін бұл мүлде жаңа ережелер, бірақ Қазақстан өнеркәсіпті түрлендірумен айналысады, баламалы энергия көздерін дамытады», - деді Қ. Келімбетов.

Ол оның Үкімет жұмысының негізгі бағыттарының бірі екенін атап өтті.

«Біз Астанада жаңа экожүйенің құрылуын асыға күтеміз», - деп қосты Қ. Келімбетов.

Сондай-ақ, ол ЭКСПО-2017 көрмесінен кейін көрме инфрақұрылымы «Астана» халықаралық қаржы орталығының бөлігіне айналатынын да еске салды.

Еске сала кетейік, Астанада NEWENERGY global startup fest өтуде, бұл – баламалы энергетика және «жасыл экономика» саласындағы стартап-компаниялардың халықаралық байқауы.

Ботагөз Айтжанова

Барлық жаңалықтар