2014 жылы СҚО-да жергілікті маңызы бар жолдардың жөнделуіне 6 млрд 100 млн теңге бөлу жоспарлануда – С. Ескендіров

«Ағымдағы жылы жергілікті маңыздағы жолдарға алғаш рет 5,4 млрд. теңге қаржы бөлінді, бұл былтырғыдан 2 есеге көп. Оның ішінде, облыстық бюджеттен – 2,6 млрд. теңге қарастырылды. Жалпы алғанда, республикалық және жергілікті маңыздағы жолдарды жаңарту және жөндеу жұмыстары барысында 2013 жылы 12,4 млрд. теңге қаржы игерілді.Ал, 2014 жылы жергілікті маңызы бар жолдардың жөнделуіне 6 млрд 100 млн теңге бөлу жоспарлануда»,- деді әкім өз сөзінде.

С.Ескендіровтің айтуынша, жолдарды жақсарту - облысты дамытудың басымдықты бағыттарының бірі. Республикалық және жергілікті маңыздағы жолдарды жөндеу жұмыстары барысында ағымдағы жылы 12,4 млрд. теңге қаржы игеріліп отыр.

«Оның ішінде, «Жұмыспен қамтудың Жол картасы» бағдарламасы бойынша 780 млн. теңге қаржы бөлініп, ол қаржыға аудандық маңыздағы жолдарға орта және ағымдағы жөндеу жұмыстары жүргізілді», деп түйіндеді өз сөзін аймақ әкімі.